საქართველოს ელჩობა ესპანეთსა და რომში (1495-1497) და ლიტვის დიპლომატია
Resumen
ქართლის მეფე კონსტანტინე II-მ 1495 წელს კასტილიის დედოფალ იზაბელასა და პაპ ალექსანდრე VI-ს ელჩობა გაუგზავნა ანტიოსმალური ალიანსის ჩამოყალიბების იმედით. უკან დაბრუნებისას ელჩები ლიტვის დიდ საჰერცოგოს ეწვივნენ, სადაც მეფე კონსტანტინე II-ის ორი წერილი ითარგმნა. ერთ-ერთი მათგანი, რომელიც განკუთვნილი იყო პაპი ალექსანდრე მეექვსისათვის, დღემდე მიკვლეული არ არის. ამ წერილის აღმოჩენა, მისი ტექსტის შესწავლა და გამოცემა, რაც ამ ნაშრომის საგანია, საშუალებას გვაძლევს შევავსოთ საქართველოს ელჩობის შესახებ ინფორმაციაში არსებული ხარვეზები და უფრო ზუსტად გავიგოთ ევროპელი სუვერენების ინტერესები და მისწრაფებები, საქართველოსა და ვატიკანის საზღვრებს მიღმაც.











